Zakeut Kameng

Peut plôh boh kameng nisab ka meuhat

zakeut ta ingat saboh syah sigra

jeut jok keubiri yang sithon hayat

kameng jeut intat yang umu dua

Zakeut Leumo

 

Meuyoe na lhèe plôh leumo geutanyoe

Nisab ka sampoe zakeut bèk lupa

yang sithon umu bak aneuk leumo

ka neuyue le po keu zakeut kita

Zakeut Unta

Harta geutanyoe unta dan leumo

Kamèng meusaho zakeut bèk lupa

DeungÖ keuh rakan ta rawi jinoe

bak unta adoe jinoe ta mula

Yang Peubateue Seumbahyang

Siblah peukara  jaga hai akhi

Hanjeut  terjadi lam shalat gata

Bateu seumbahyang jika terjadi

Jinoe lôn rawi keu wareh dumna

Rukon Seumbahyang

Rukon seumbahyang beu tanyoe turi

Deungö hai akhi jinoe lôn mula

Yang pertama  niet dua teukeubi

Keulhèe berdiri bagi yang kuasa

Syarat Wajeb & Syarat Seumbahyang

Meunyoe bak hamba na lhèe peukara

Shalat ka wajeb wahe cehdara

Keuphoen Iseulam balegh keu dua

Keu lhèe meu-akai neu taklif gata

Fardhu Tueng Ie Seumbahyang

Wahe adek lôn yang di công balè

Atau công kaye deungö hai neuk da

Meunyoe seumbahyang ka tamong watè

Bèk lé meu lalè jak wudhu’ sigra

Fadhilah Baca Bismillah

Rayeuk fadhilah baca bismillah

Meunan neupeugah rasul mustafa

Hancoe dum syetan ngon izin Allah

Ka lagè timah lam apui raya

Bismillah Saboh Ayat al-Fatihah

Ayah dan ibu di nanggroe indah

Suai bismillah khilaf ulama

Puekeuh nyan ayat dari fatihah

Atau pih ayah hana geu kira

Mula Hakiki & Mula Idhafi

bak amai yang göt dalam syariah

beuna bismillah bèk tuwö gata

ngak le beureukat neubi lé Allah

meunan neupeugah Rasul mustafa

Bismillah & Pujoe

Deungon Ismullah ulôn mulakan

Pujoe keu tuhan yang maha esa

Seulaweut saleum ateuh janjongan

Ahli yang islam sahabat serta