Beudoh jak taubat yoh gohlom maté
Yoh gohlom tacré ta tinggai donya
Yoh gohlom tasoek pakaian puteh
Yoh gohlom ta’eh dalam keurunda
Suloh yang awai meu bèk ta eh le
Suloh yang akhee beudoh meujaga
Oh ban teukeujot teuma taduek lé
Laju ta pike limong peukara
Peutama phon-phon ingat keu tuhan
Keudua taulan ingat keu desya
Ingat keu desya ta moe beu kayem
nyoe lazem takhem tuhan bri bala[1]
Teuma yang keulhèe ingat keu maté
Geutanyoe tacré ta tinggai doenya
donya peulikot tinggai disinoe
Geutanyoe tawou u asai mula
Teuma yang keupeut ingat keu kubu
Taduek teukuefu dalam keureuda
Ka taduek sidroe meu ngon teuh pih
tan
Sidroe hai taulan dalam keureunda
Kubu pih seupot meukhob ngon arat
Leumah keuh teumpat dalam nuraka
Ji teuka azeub meubago - bago
Teuma lake woe keunoe u donya
Teuma keu limong ingat akhirat
Hana treb lambat taduek lam donya
Taduk lam donya sigoe thoe reu’oh
Sang ureung piyoeh yub kayee raya
[1] Bait ini
berdasarkan hafalan Nek saudah glee madat. Sedangkan yang dinyanyikan oleh
Saleum bunyinya ialah “beu lazem takhem oh geubri bala”.
Tidak ada komentar:
Posting Komentar