Wahe rakan lôn ureung iseulam
Di darussalam Aceh mulia
Izin lôn baca nyoe saboh nazham
Bacut khabaran bahaya GANJA
Lam kitab Yannah ulôn nukilkan
Kön haba mayang kön peuna-peuna
le that peunyaket leubeh ratusan
jinoe lôn peutrang limong peukara
yang keuphon rusak akai pikiran
uroe ngon malam ban ureung gila
nyoe takheun pungoe beungeh that rakan
aleh pakriban di aneuk bangsa
teuma keu dua ureung hisap nyan
han sanggop rakan jaga rahsia
Ubena ayeb bak handai taulan
ka ban saboh nyan geujak calitra
saket lam ulèe
keulhèe hai
taulan
han ta tukri ban saket lagoina
dak ta jeb bodrex ka han ji lawan
bala bak tuhan sinoe di doenya
yang keupeut male hana le sajan
hana le seugan pubuet pue nyang na
geupeugah haba hana pantangan
dak na mak tuan hana geukira
teuma keu limong ingat hai rakan
tanyoe iseulam bèk sagai lupa
oh geu suet nyawoeng di dalam badan
tawoe bak tuhan meusyahdat hana
meunyoe tan syahdat tawoe bak tuhan
aleh pakri ban nasib di hamba
Nau’zubillah lindoeng bak tuhan
Allah ya rahman yang poe kuasa
(Berdasarkan I'anatu al-Thalibin, IV/156, Daru al-Ihya)
Tidak ada komentar:
Posting Komentar