Nabi Muhammad pang ulèe alam
Peuneujeut tuhan paleng mulia
Oh lheuh neu wafeut rasul pilihan
Tinggai peudoman Qur’an ngon sabda
Bak tanggai lhèe blah rabiul awal
Uroe seulanyan rayeuk that duka
Umu namploh lhèe rasul janjongan
Neuwoe bak tuhan neutinggai doenya
Di Abu bakar hana disinan
Dudoe di dron nyan baroe neuteuka
Laju neutamong keudeh u dalam
Neucom janjongan neuroe ie mata
Ali dan abbas, fadhal dan Qusam
Usamah syaqran seumanoe nabi
Lhèe lapeh ija
neuboeh keu gafan
Ureung seumbahyang meureuti – reuti
Di kama Aisyah wafeut janjongan
Sinan keuh makam utusan rabbi
Bilal siram ie ateuh Kuburan
Sijeungkai manyang kubu di nabi
Allah ya Allah, Allahu Rahman
Lindoeng ya Rahman kamoe lam doenya
Neubi beu jaya kamoe iseulam
Beu pengeuh jalan tamong syiruga
(Sumber: Kitab
Khulasah Nuril Yaqin dan Kitab Nurul Yaqin)
Tidak ada komentar:
Posting Komentar