Kelahiran, Nasab dan Tarbiyah Nabi Saw.

Sideh di mekkah mula seujarah

Sinan hai ayah lahirnya nabi

Rabi’ul awai tanggai dua blah

Nibak thon gajah meunan geurawi

Nakeuh bak thon nyan wahé e ayah

Raja habasyah kejam sekali

Jineuk peuhancoe ka’bah baitullah

Ngon khendak Allah ka gagal misi

Nabi Muhammad aneuk Abdullah

Wafeut di ayah goh laher nabi

Abdul muth-thalib ayah Abdullah

Hasyem nan ayah chiktu[1] di nabi

Ayah di hasyem deungÖ lôn peugah

Geukheun lam sirah abdu manafi

Di abdu manaf Qushai nan ayah

Gobnyan hai abah aneuk Kilabi

Ibunda Rasul saidah aminah

Wahab nan ayah ingat hai ummi

Di Abdu manaf kakek aminah

Aneuk di Zuhrah ibnu kilabi

Nam thôn troh umu di Rasulullah[2]

Wafeut Aminah neu tinggai nabi

Bak ummu aiman nabi geukeubah

Gobnyan hai ayah yang asuh nabi

Nabi peu ridha’ oleh tsuwaibah

Lheuh nyan halimah as-sa’diyyati

Nabi muhammad kakek yang papah

Sayang neu limpah neu gaseh nabi

Sampoe lapan thon nabi neupapah

Geuwoe bak Allah kakek di nabi

Ka Abu Thaleb dudoe seuleu’ah

Meunan seujarah ingat hai akhi

(Berdasarkan Khulasah Nuril Yaqin Jil.I, hal. 6-8)

---

[1] Chik Tu adalah kakek buyut menurut: http://bahasaaceh.wordpress.com/2011/03/20/hubungan-keluarga/
[2] Saat berumur enam tahun Sayyidina Muhammad belum diangkat menjadi rasul, namun disini kami sebut “Rasulullah/nabi” karena ”I’tibar ma ya’ul”