Ka jeub-jeub gampoeng haba ta deungo
Rame rakan droe yang pubut nista
Geusipreuk bijeuh rata jeut sagoe
Karab tip uroe ureung meu zina
Dalam al-Quran peu ingat le poe
Peuji’oh bèk
toe keunan bak zina
Seubot lam hadits nabi geutanyoe
Na nam boh bagoe bahaya zina
Lhèe
boh peukara di donya geubi
Kureung raseuki nyan yang pertama
Raseuki haleue susah ta cari
Yang hareum keuji ka roeh ta raba
Teuma keudua dalam riwayat
Kurueng beureukat bak umu gata
Umu yang panyang hana manfaat
Hana ibadat meukeupue guna
Oh lheuh teubit roh di dalam badan
Hinan keuh rakan bahya keu tiga
Meutheun ngon binteh rayek
halangan
Keudeh bak tuhan Hantroeh ji teuka
Disinan leumah nuraka tuhan
Azeub kön wayang bagi penzina
Malaikat malek leumah cit sinan
Meutamah rakan azeub di hamba
Lhèe
boh peukara uroe akhirat
Jinoe lôn surat keu wareh dum na
Yang keuphon muka itam leumpah
that
saweub geu laknat murka rabbana
siksa leumpah brat teuma keu dua
luar biasa meu ganda - ganda
yang keulhèe
rante apui meunyala
dalam neuraka meuteume rasa
meukeupeu tacok nikmat si saat
siksa akhirat hana ngon peusa
kadang pih singoh udep ka tamat
beudoh jak taubat ngak bèk
binasa
(Berdasarkan Tanbihul Ghafilin, hal. 10)
(Berdasarkan Tanbihul Ghafilin, hal. 10)
Tidak ada komentar:
Posting Komentar