Jak beut pih jeut..
Sikula pih jeut..
han hana pue pue
Asai mantöng hukom islam bèk sigo sapue
Lam matan taqreb na geupeugah bab taharah
Lam khulasah seujarah rasul ambiya
Lam kasyful ghaibiyah na neupeugah azeub lam kubu
Mufom kalimat hai teungku lam matan bina
Cara seumbahyang tingat lôn hana lam biologi
Cara puasa sang sinan hana dalam
fisika
Cara bôh zakeut hana meureumpok lam ekonomi
Cara ék haji hana meutuléh dalam kimia
Hayeue that guru watè meuteumeng duk bak meja
Buku geu buka Geuyue bak siswa catat teori
Walaupun meunan namun ureung nyan sangat geubangga
Singoh tanggai sa, bak awai buleun gaji pih di brie
Tapi di Teungku deungon niet ikhlas ka neutem aja
Allah ta’ala rasul seureuta ka geupeuturi
Ayah ngon poma jinoe hana lé tanyoe durhaka
Haleue ngon hareum seureuta riba jinoe ka meuri
(By: Tgk. Adnani Aron)
Tidak ada komentar:
Posting Komentar