Zakeut Unta

Harta geutanyoe unta dan leumo

Kamèng meusaho zakeut bèk lupa

DeungÖ keuh rakan ta rawi jinoe

bak unta adoe jinoe ta mula

Meuban trôh limong unta meusapat

zakeut ta ingat saboh syah sigra

jeut jok keubiri yang sithôn hayat

kameng jeut intat yang umu dua

Meuban trôh siplôh unta geutanyoe

Dua syah adoe keunoeng zakeutnya

Wajeb lhee boh syah nibak limong blah

peut boh syah ayah dua plôh unta

Dua plôh limong  unta ta zakat

Bintu si makhaz sithon umurnya

Nibak lhèe plôh nam ka bintu labon

Unta dua thon zakeut hai nek wa

Meuyoe peut plôh nam ka saboh hiqah

Unta yang ceudah umu ka tiga

Nibak namplôh sa Saboh jaza’ah

Peut thon hai ayah umu jih kana

Na tujoh plôh nam unta di kawoem

Dua bintu labon zakeut beu sigra

sikureung plôh sa  unta di ayah

dua boh hiqah zakeut bak lupa

Sirtoh dua plôh ditambah satu

Lhèe boh si bintu labon jok sigra

Meunyoe leubeh lom unta di abu

Ka laen laju cara ta kira

Bak tip tip peut plôh zakeut hai abu

Saboh si bintu labon keulua

Tip-tip limong ploh unta bèk ragu

Peuteubit satu hiqah bèk lupa

(Berdasarkan Matan Taqreb abu syuja’ dan kitab nazham nihayatut tadrib)