Syarat Wajeb & Rukon Haji dan Umrah

Haji dan Umrah wajeb hai taulan

Keu ureung islam amar rabbana

Meunyoe ka balegh serta berakal[1]

Na kemampuan serta merdeka[2]

Wahé e ayah sereuta ummi

Rukon ek haji na nam[3] peukara

Yang keuphon ihram tamong lam haji

Bèk tuwö ummi niet beuseureuta

Keu dua wuquf, tawaf yang keu lhèe

Keupeut meuteunte sa’ie lé gata

Rukon keu limong cukoe di ulèe

Keu nam bèk lalè teureutib beuna

rukon di umrah saban ngon haji

ta kecuali wuquf jih hana

oh no mumada haba lôn rawi

murunoe akhi nibak ulama

(Bedasarkan al-Minhaj Imam an-Nawawi, dan al-Mughn al-Muhtaj Syaikh Khatib)

---

[1] Imam an-Nawawi menyebut salah satu syarat wajib haji adalah taklif, disini kami tafsirkan balegh dan berakal.

[2] Maksud merdeka adalah “bukan hamba sahya” (Budak)

[3] Dalam al-Minhaj rukun haji ada lima, namun pensyarah al-Minhaj seperti syaikh khatib dalam kitab Mughni al-Muhtaj menambahkan rukun yang keenam yaitu tertib.